ek Naya Sa Jahan Hum Banayein Chalo

ek Naya Sa Jahan Hum Banayein Chalo
Falak Pe Koi Naya Suraj Ugayein Chalo

Kuchh Usool Jiney Ke Badal Dalein Hum
Ajnabi Ko Bhi Seeney Se Lagaein Chalo

Aur Jayein Kahan Chhod Kar Duniya Ko Hum
Iss Duniya Ko Hi Rahne Ke Qabil Banayein Chalo

Ik Sehra Si Ho Gayee Hai Har Insaan Ki Zindagi
Iss Sehra Mein Koi Baag Lagayein Chalo

Jiss Ghar Mein Andhera Faila Nazar Aaye
Ik Adad Charag Hum Wahan Jalayein Chalo

Itna Sukoon Aur Kahin Milega Kahan 'Musaafir'
Apne Maa-Baap Ke Kadmo Hi Mein Baith Jayein Chalo