Kisi ki khatir qarar khona,

Kisi ki khatir qarar khona,
Koi sune ga to kya kahe ga..!

Yeh raaton ko uth uth ke rona,
Koi sune ga to kya kahe ga..! 

bhanwar mein Mujhko chod aate to,
Apni ulfat ka raaz rehta,
Sahil pe la ke yun dubona,
Koi sune ga to kya kahe ga..!

Zamana Husn-o-Shabab ka hai,
Haseen khwab-o-khyal ka hai,
Yeh Shab-e-Bedaari Yeh Din ka sona,
Koi sune ga to kya kahe ga..!

Kaha jo Maine daro KHUDA se,
Na chedo ke Dil dharak raha hai,
Woh hans ke bole chup raho na,
Koi sune ga to kya kahe ga...!!!